記者續問她緋聞男友黃曉明會否與她慶祝？她笑說：「佢咁遠，我只係同身邊朋友慶祝。（話你喺上海studio等佢？）我諗係炒作新聞，我冇見過佢。」她又大讚對方靚仔又演技了得：「我都想同佢合作。（敢唔敢拍親熱戲？）都OK！（想第一次親熱戲奉獻畀邊個？）好劇本囉！不過Johnny Depp都可以。（黃曉明話個個男仔都會鍾意你？）咁個個女仔都鍾意佢啦，我自己都OK㗎！」至於提到舊緋聞男友陳偉霆有否與她慶祝時，她就表示對方很忙，現在雙方很少聯絡，問她是否再見不是朋友？她說：「我哋都冇拍拖！」

陳偉霆嘆「勁敵」多

另邊廂的陳偉霆前晚出席慈善晚宴時亦坦言很少與Baby聯絡，也沒有時間自製禮物，說:「我仲未諗到送乜，但佢生日會sms佢。（佢同黃曉明傳緋聞？）冇睇。（冇興趣？）唔係冇興趣，而係自己唔想猜測，傳完呢個又嗰個，所以唔睇囉！」

此外，今日是Angelababy生日大日子，會與fans舉行校服派對共賀廿一歲生辰。

文：名人組