28/02/2010

播放本新聞相關短片

趙梓淇產前暴躁似太后

趙梓淇（Yu）（前名趙頌茹）昨日與老公周永恒及鄺文珣出席展覽活動，懷有兩個多月身孕的Yu笑言未有贊助商贊助BB用品，她笑說：「大家要幫我宣傳多啲，我想搵多啲贊助。」而周永恒則全程傍住老婆，又踢爆Yu近排脾氣暴躁，他說：「連我細佬、表妹都畀佢鬧，真係慘，好彩大家明白佢。」並抵死說：「佢呢十個月係太后嚟㗎，生完就係BB嘅奴隸。」
趙梓淇、鄺文珣
  • 趙梓淇、鄺文珣

而再度做媽咪的鄺文珣透露佗BB三個月時驗出血液有問題，令她們兩夫婦非常擔心，她說：「最後要抽羊胎水驗，好彩報告話BB冇事。同老公商量過，BB有咩事都會照生，始終係生命。」