趙碩之、戴夢夢、尹蓁晞（Yumi）昨日出席九龍灣「活力老虎仔貓步團拜」活動，三人跟扮皇帝王后的小朋友一起行騷。活動上，三女都有派利是，戴夢夢指自己今年派了五位數字，她表示：「其實入行咁多年都有派，今年身份特別啲，因為做埋音樂總監，所以派多啲，之前派四位數字。」戴夢夢透露前日與家人從日本旅行回來，亦有去浸溫泉，因為要一絲不掛，所以有些尷尬，夢夢更自嘲自己「小波地」，不過浸溫泉時發現有當地女仔胸部仲細過她，登時令她「自信返晒嚟」。
在旁的趙碩之，即被記者指可以自豪地浸溫泉，她表示：「唔關自豪事，夢夢諗多咗，去外地要好好享受。」而Yumi被問到會否與男友一起浸溫泉？她表示：「我會怕醜，結咗婚會好一啲，公司都叫我拍拖唔好咁高調。」