鄧紫棋認細唔拍床上戲

歌手鄧紫棋及范萱蔚前晚為舊曲新詞比賽擔任嘉賓，鄧紫棋近日頻頻傳出緋聞，她不欲多談：「之前傳嗰啲都係好好朋友，每次見到都會拎嚟講笑，不過公司就覺得啲玩笑講得太大。」鄧紫棋直言想找個真男友。至於元宵節將與側田拍新歌MV，會視乎劇情安排親熱鏡頭，問她可會要求減少親熱鏡頭？鄧紫棋說：「只要唔係濕吻，『樓下』都得，即係拖手同攬。（床上戲？）唔得，嗰啲係『樓上』，我仲係好細個！」而范萱蔚則透露將接拍無綫新劇。