萬眾期待，分開兩年的Twins昨晚終於合體演出，春茗上兩人同穿棗紅色晚裝，特意戴上同款不同色皮帶，心情緊張的阿Sa說：「兩年冇一齊唱歌，為咗有超水準演出，先一晚我哋綵排多次，阿嬌狀態大勇！」
由橫店飛往澳門的阿嬌，對於先後跟Race（黃婉佩）的男友及陳偉霆鬧緋聞，她說：「William係我師弟，緋聞嘢唔使回應，呢兩年經歷好多，現階段唔想拍拖，工作為先。（傳你係茅山師傅歐陽國富契女？）過去咗唔再回應。」而她與方力申合演的《出水芙蓉》終獲解禁，她開心謂是個好開始。昨晚阿嬌跟William首次公開合唱《什麼是潮流》，兩人大跳辣身舞，William笑說：「係可以任摸，但我唔夠膽亂嚟。」
