英皇娛樂集團昨晚於澳門威尼斯人度假村酒店舉行「英皇盛世10周年巨星演唱會暨英皇娛樂集團春茗晚宴」，一眾旗下歌手盛裝出席，包括容祖兒、Twins、古巨基、謝霆鋒、房祖名、泳兒及鄭希怡（Yumiko）等，眾人穿上紅白兩色Dress Code亮相，以紅色Deep V連身裙出現的Yumiko更是搶鏡之最。

春茗上唔敢喪玩

穿上Ashish褲襯Alexander Wang外套的祖兒，被問有否準備現金作春茗抽獎？她哈哈笑說：「睇有冇需要啦，不過大人宴會問番至高無上嘅大人，池塘好大，唔夠餵魚。」由於晚上參與演唱會，祖兒笑言不敢在春茗上玩得太瘋癲：「怕玩創個心！到時會使出真功夫，預備咗秘密『舞』器。」問到怕不怕被Twins搶風頭？她大方說：「擺明要佢哋搶，都幾期待睇佢哋演出，祝佢哋順利。」

英皇旗下一眾歌手在台上祝酒兼大晒冷，極具氣勢。	黃耀明當眾輕捏祖兒下巴，老友鬼鬼。	Yumiko（左）與鍾舒漫以盛裝打扮示人。

基仔選呔有意思

一身白色西裝配孔雀毛蝴蝶煲呔的基仔透露為配合十周年慶典，特別揀選孔雀毛煲呔，他說：「孔雀毛代表會發生最美好的事。」另外，祖兒以紅組隊長身份率女歌手在演唱會上打頭陣，惟長裙太長一度Kick親，緊隨其後的Twins見狀即十指緊扣行落樓梯，基仔以白組隊長率領一眾男歌手出場，霆鋒則以壓軸嘉賓揮動黃色大旗出場，並說：「祝英皇娛樂事事順利、步步高陞，Happy Birthday！」一眾歌手隨即大喊口號「英皇娛樂盛勢最強」，場面熱鬧。