一向對人和善的米雪昨日面對記者心情大起大跌，香港精神科醫學院李永堅醫生表示，一般人喪失伴侶後情緒有大起伏屬正常事：「米雪小姐伴侶過身對佢係一個打擊，情緒失控係人之常情，一時諗啲唔開心嘢，或者緬懷同尹佬嘅開心日子，心情唔好可能時會不顧一切避開記者。但事後回復冷靜，理性令佢諗番起身為公眾人物要維護公眾形象，就會為自己失儀去補救。一般人喪失生命中嘅伴侶，都會有一個Grief Reaction（悲傷反應），時間最長可以維持6個月。（點樣紓緩悲傷心情？）同人傾訴唔好收埋自己；有社交活動可以沖淡唔開心嘅記憶。（繼續做嘢？）如果佢精神同情緒方面控制到，工作可以令佢冇咁多時間諗嘢，係好事。」