尹志強（尹佬）離世十二日，米雪一直表現堅強，一邊打理後事，一邊為新劇《女人最痛》趕戲，面對傳媒追訪都能應付，昨日下午二時尹佬足球紀念賽舉行，到五時舉行默哀儀式時，米雪駕車接載女助手由寓所出發，前往將軍澳電視城開工。期間更找來男友人駕車「護航」，打算截停幾部記者採訪車，然截車期間其車後剛巧有巴士經過，最終未能成功。

避免觸景傷情

未知因為開工或是不想觸景傷情，沒有現身尹佬紀念賽的米雪，戴着帽子全程頭耷耷，多番迴避記者鏡頭，又不時衝黃燈、雙白線抽頭越過附近的旅遊巴，原本十五至廿分鐘的車程，結果只花了九分鐘便返抵電視城，過程險象環生！

據悉，米雪昨日的通告原定三時開始，不過約五時半才見她姍姍來遲。無綫方面甫見她的座駕出現，即派出六名保安維持秩序，米雪由藝員停車場通道往十五廠開工，當抵達停車場門口時，她的男友人下車向無綫保安示意：「我都係保安嚟架，快啲開閘！」之後男友人的座駕緊貼米雪座駕入廠，助手從車上搬大堆戲服入廠讓米雪更換。記者要求監製林志華請米雪出來讓大家拍照，想不到居然首肯，未幾一身「大肚Look」的米雪微笑面對媒體，問米雪可會出席三月九日尹佬的追思活動，她未有回應轉身離去，行到差不多入門口淡然謂：「遲啲會透過無綫公布嘞。」

放大圖片	米雪cut線又衝黃燈險象環生。

助手否認有事

對於米雪情緒起伏，記者以電話透過其助手表示關懷，助手則表示：「佢冇嘢喎，你覺得佢有問題咩？」而昨晚米雪於錄影廠逗留至深夜，主要趕拍其大肚的戲份，拍到下午七時半，張可頤、馬德鐘去吃飯，米雪卻未有同行。監製林志華解釋米雪並非遲到：「係個廠開遲咗啫，（米雪情緒唔好？）我估佢係攰啫，因為自年初三（尹佬離世當日）後佢都冇休息，不過拍攝時交足戲一啲都冇問題，至於情緒嘅嘢我就唔清楚。」

此外，近日有消息指米雪曾飛到新加坡，上周五剛從星洲返港的黃興桂表示全不知情，他返港後已與米雪通過電話，感覺米雪的心情已回復平靜，並抱着樂觀態度。

文：影視組