法拉日前生日，諸葛表示若雙方碰到面便會送上祝福，對此法拉避談謂：「我生日好開心過咗！當日雖然要開工，但陳豪同成班演員畀咗個驚喜我，突然拎出蛋糕同我唱生日歌（咁男友又送咩？）收咗部相機，因為之前嗰部壞咗！（男友都好細心！）所以我好開心（你再同諸葛見到面會唔會講嘢？）都ＯＫ嘅，不過都有一段時間冇見。」