學友透露戲中與張可頤有場床戲，但只限床上演戲，沒有任何激烈動作，與湯唯更是一點親熱鏡頭都沒有，他說：「尋晚啱啱喺電影台睇咗《色，戒》，（你敢唔敢接咁激嘅戲呀？）我冇、冇、冇，（冇乜嘢？）冇身形又冇膽，（係咪冇膽老婆都唔畀？）我老婆又唔會口頭唔畀，個心唔畀啫，我同梁朝偉唔同，佢係全職演員，我可以唱吓歌搵食。」學友直言不清楚湯唯被禁一事，拍此片亦沒有想過會否影響在內地上映。至於陳寶珠媽媽突然逝世，學友表示已託人送上慰問。

本屆電影節來自五十四個國家，合共二百四十三部影片，開幕電影為《月滿軒尼詩》及《如夢》，閉幕電影則是《安非他命》及《前度》，此外，《艋舺》、《志明與春嬌》及《火龍》亦將在電影節作首映。