王祖藍與應屆「華姐」冠軍苟芸慧在首次合作飾演情侶，組成「美女與野獸」，雖然二人外形絕不相襯，但就一拍即合，更異口同聲透露擇偶條件是重內輕外。
向來以內涵見稱的王祖藍，自爆未信主之前，曾是花心漢一名，用情不專，最終激到女友主動提出分手，然而經一事長一智，他透露已七年未有再拍拖，現階段用心擇偶，不再兒戲。
三字頭想成家
祖藍說：「以前我好花心，攬住女朋友會諗住第二個女仔，激到女朋友叫分手。（後悔？）一個經歷嚟，相信依家嘅我，拍拖會為對方着想，多過為自己。（會否七年之癢想拍拖？）我都三字頭，都想成家立室，不過唔心急，會用心尋覓，一定係講心多過講樣。」
大年初一正好是情人節，問到祖藍會否感到寂寞？他說：「以前會羨慕人哋一對對，但已經過咗呢個階段，自己要做一個正面樂天嘅人，吸引番異性。」
獻出螢幕初吻
至於首次拍劇，在《情人眼裏高一D》中將螢幕初吻獻給祖藍的苟芸慧，大讚祖藍得意、有才華，揚言擇偶條件以內涵為主，不介意美女與野獸的組合，她說：「外表係會變，個樣係會老，但係性格、心地係唔會變，所以唔靚唔緊要，最緊要有內在美就得，內在美靚過一切。」
文：影視組
場地：心飴