謝安琪（Kay）昨日為慈善出力，不收分文參與一個藝術展攝影工作，豈料遭製作單位擺上枱，力斥Kay遲大到影響了流程，認真無辜。
Kay昨日現身位於青山公路的古蹟龍圃花園，夥拍攝影師Olaf Mueller為慈善出力，大會原先安排Kay在下午2時接受記者訪問，但卻要求記者於門外企足半小時，有工作人員更態度囂張說：「個星（Kay）遲咗45分鐘嚟，未到咁你（記者）影乜嘢！（佢一早嚟咗喎！）唔使化妝整頭呀？」據知請記者食「閉門羹」真正原因，全因有關方面臨時安排有線及某雜誌獨家拍攝Kay吊威吔場景。
降低對人要求
對於Kay遲大到被責，其經理人夏森美大感無奈說：「吓！佢哋咁講呀？我哋係遲咗十分鐘左右，因為之前有工作，但嚟到其實只係執番個髮型，妝已經化好，我哋係知有獨家，基本上係冇問題，只要佢哋同傳媒溝通好，我哋為咗慈善係冇收錢，依家咁當然唔係幾好啦，都覺得被擺上枱。」
此外，Kay昨日接受《巴巴閉邊個夠我查篤撐》電台訪問，真情剖白早前患上抑鬱症經歷，Kay表示康復後學會降低對別人要求，亦有與老公張繼聰討論面對傳媒態度，由昔日以「不合作」對抗某些傳媒，變為以誠相待。Kay笑言年廿八最想洗走緋聞：「呢樣係最衰，本來係好朋友，依家要好小心，好大壓力，我係會避忌㗎，私底下有同陳奕迅講唔好意思，佢反而冇乜嘢。」
老公唔知品味
至於四大唱片公司與無綫版稅風波，Kay表示與無綫合約已滿，對於轉以廣東話接受其他電視台訪問，她說：「其實合約冇寫唔可以講廣東話，係尊重同一直做法。」另外，提到「初一情人節」將至，Kay就笑言老公還未清楚其品味，她說：「唔會大搞，佢唔好搞咁多嘢，我就好開心喇。」
採訪：音樂組