盧頌之（DaDa）昨日率領一班「o靚模」裴殷（A.Lin）和蔡穎恩（Evelyn）等，出席日本食肆開幕活動，為市民簽派新年月曆，場面十分熱鬧。
問DaDa是否覺得「o靚模」熱潮減退而工作量少？她否認說：「工作量反而穩定同平均咗，最近我練側手翻、倒豎葱準備喺商場表演，希望吸引一班小朋友fans，（唔再行性感？）唔同場合有唔同衣着需要，但我Model工作依然會健康性感。（情人節點過？）同朋友過，總之有人約啦！」A.Lin稱年三十晚會到拉斯維加斯旅行，問是否與男友「二人世界」？她只說：「總之係朋友啦，希望喺嗰邊有異地情！」
