Lynn初次經歷喜劇洗禮，坦言起初極不習慣，她說：「記得第一日開工，我拍得好拘謹，導演同我講要放啲，叫我睇番playback，咁我又真係同古仔、君如佢哋格格不入嘅！其他人咁搞笑，我就咁拘謹，覺得唔係咁好囉，於是我咪放開啲去拍，出嚟效果導演同自己都好滿意。」

Lynn希望有機會拍嚴肅古裝片，以證自己有演技。	雖然郭富城出名有型，但Lynn不敢直讚緋聞男友靚仔。（資料圖片）	Baby嬌俏可人，難怪Lynn慶幸能與她「洞房」。（資料圖片）

想學志玲

首次拍古裝笑片的Lynn，坦言若有機會都想再拍，並笑言：「古裝靚嘛！」問到想不想像林志玲一樣，拍嚴肅題材古裝片時，Lynn想也不想便說：「都想㗎，只要導演覺得我適合，我都好想試，林志玲嘅《赤壁》我都有睇過，佢好靚！」

談到《花》片拍攝點滴，Lynn表示難忘與「男」對手拍攝一幕搞笑洞房戲，她說：「今次最難忘係古裝catwalk戲同一幕搞笑洞房戲，場catwalk戲我着咗十幾套靚衫，一啲都唔覺辛苦，女仔只要靚，拍出嚟有人讚，就唔會覺辛苦。場洞房戲對手係反串嘅Baby，講我哋互相唔鍾意對方，於是大打出手。我好鍾意baby個男裝，佢好靚仔！」

面有難色

問她覺得郭富城靚仔還是Baby靚仔？Lynn即面有難色，顯得「手掌係肉，手背又係肉」的尷尬表情，然後才說：「我唔知呀，唔好問我啦！」

文：影視組　攝：謝國華　服裝：Valentino