新一代混血索模Jessica C.昨日現身遊戲活動，期間不慎走光露「紅底」，事後大方表示唔介意，還鬼馬指「成日露」，貫徹其西化性格，她又興奮情人節將赴米蘭會合男友，並準備好性感裙歡度浪漫時刻。
Jessica C.與「檸檬茶」最新廣告女郎Leanne Ho昨日現身冒險遊戲《但丁的地獄之旅》宣傳活動，Jessica雖然身穿牛仔短裙，但卻收起天賦本錢「警鐘胸」。由於遊戲內容講及主角為救愛人甘願下地獄，Jessica聞言亦坦言會為了男友付出所有。
心急爆響口
屬打機發燒友的她還即席落場示範，對於即將來臨的情人節，Jessica謂：「日本工作延遲咗，所以我會去米蘭會合男友一齊過，（係咪畀驚喜佢？）我都想，但自己口疏，已經講咗佢知，（係咪等唔切？）係呀，到時我會帶埋咖啡機禮物過去，仲有一件幾性感嘅裙。」
尊重港文化
談到剛才走光露「紅底」，Jessica笑指知道，更指該內褲乃其幸運內褲，故也不太介意，還謂：「你哋成日都睇我露啦！（會唔會怕醜？）有少少，因為唔知張相係點，下次我唔着裙，平時都係着熱褲多。」對於中國人於新年穿「紅底」望帶來好運，Jessica亦大表認同，更指自己會倣效，更笑謂：「香港帶畀我好運，所以我會尊重呢個文化，（咁諗住着幾耐？）着得幾耐得幾耐囉！」
文：影視組