身為營養師及星級媽咪的歐倩怡表示，7個月大的嬰兒只可飲奶維持營養，絕無其他特別食物令BB「大舊」，她說：「其實母嬰健康院都有指引媽咪如何餵奶畀BB，大約係每4個鐘頭餵一次奶。至於Kelly個BB點解7個月可以咁『大隻』，可能同佢及佢老公個基因有關，佢哋兩個都咁高大，咁BB『大隻』啲都唔出奇，所以我同安仔嗰個相對都會細粒啲。」
莫可欣愛女迦晴面圓圓，原來遺傳了媽媽纖瘦身形，二十個月大的她只得二十四磅。面對時下小朋友經常過重的問題，可欣十分有心得：「醫生都有講過體內脂肪體如果爆咗出嚟，情況可以一發不可收拾，甚至會造成小童糖尿或心臟病。醫生建議要畀蛋白質豐富，好似雞蛋、白肉、魚畀BB食，因為唔會致肥，而我本身就唔會畀雜糧佢，迦晴到依家都未食過薯條。」