前日有人致電無綫報料，聲稱目擊Edmond在大陸某夜場登台時遇襲，Edmond所屬唱片公司CEO陳輝虹接受無綫《娛樂頭條》訪問，他指已聯絡Edmond助手，證實虛驚一場，他說：「Edmond演出時台下有酒客飲多咗跑上台，Edmond繼續唱歌，另一名酒客覺得嗰個人影響演出，佢哋發生爭執，工作人員馬上同Edmond離開，Edmond冇事，亦好安全。」而主播轉述Edmond的回應：「當時登台，有兩幫人埋身打鬥，場面非常激烈、兇險，慶幸自己冇被殃及池魚。」

BIG FOUR四子現正在泰國為演唱會度橋。（資料圖片）

陳輝虹接受無綫《娛樂頭條》訪問。

混亂中被送走

昨日本報記者致電陳輝虹，他說：「未搵到Edmond，因為佢閉關。」問以後接job會否小心些？輝虹提高聲線說：「一向都好小心，已經叫咗公司最高大威猛同事陪佢，混亂中送佢走。」

在泰國報平安

直至昨晚，本報終聯絡到Edmond，原來事發後他已飛去泰國，與許志安、張衞健和蘇永康為BIG FOUR演唱會度橋，當獲悉有傳他遇襲時，沒好氣說：「有冇搞錯！嗰日喺恩平登台，唱歌時有兩個男人衝上台爭執，工作人員即時拉我入休息室。（點解走上台？）相信飲醉咗，總之我真係冇被打。」Edmond再三強調事件與他冇關：「呢個世界上傳聞好無稽，自己返嚟之後，可以每個部分影張相證明冇傷。」記者即打蛇隨棍上說：「不如依家影send過嚟？」惟Edmond卻表示：「等我返嚟先。（傳聞車都毀壞？）唔係，我坐原車走。」Edmond謂已第一時間致電太太報平安。

採訪：音樂組