李彩華曾拍攝被指影射龔如心的劇集《火蝴蝶》，她透過經理人表示：「戲劇還戲劇，案件歸案件，係兩件唔同嘅事。案件方面，相信法庭有佢哋嘅判決，自己係局外人唔方面評論。」
詹瑞文與太太甄詠蓓兩年前以爭產案作背景推出舞台劇《蛇鼠一窩》，詹sir得知判決結果說：「相信香港人個個都覺得呢個結局好正路，大家都知係咁，就係睇吓有冇峰迴路轉啫，不過爭產案一定有好多內情，法庭雖然係判咗，內情係點就冇人知，點解啲相會咁影冇人知。」詹sir直指今次陳振聰輸得肉酸，更笑說：「劇本超差，演技就大家都見到，不過嚟緊會再上訴，就要等睇後傳嘞！」
羅家英說：「我唔清楚件事，都好難講，呢啲嘢公說公有理，婆說婆有理，其他人好難評論。」
一直被指外貌似陳振聰的顏福偉：「Sorry，冇留意呢單新聞！」