鄺敏慧（中巴）接受有線節目《主播會客室》的足本內容昨日播出，自言曾有計劃與崔建邦結婚生仔的中巴被主持李潤庭問到是否還愛對方時即落淚說：「我咁大個女，除咗屋企人最愛就係佢，但件事令我明白我愛嘅未必係真嘅佢，係假嘅佢……就算愛都唔可能繼續落去！」中巴又透露與父親已有三四年冇偈傾，但因為此事令兩父女再通電話：「我係嬲佢，如果佢唔係咁媽咪會開心啲，細佬都未見過Daddy，一家人都唔使分散可以好地地，係咪我前世做咗啲唔好嘅嘢，呢啲就係人哋所講嘅報應呢？」