阿Sa第四度強勢擔任運動品牌adidas代言人，並在昨日穿上2010春夏運動裝，在apm行catwalk，又大擺拳擊甫士，活潑可愛。阿Sa坦言對酬勞很滿意，廣告商亦贊助她很多衫，問她有否贊助埋朋友時，醒目的阿Sa即意會到記者指的是緋聞男友Ronald，即說：「朋友自己問。」問她會否接受情侶裝？阿Sa搖頭說：「我接受唔到一模一樣嘅情侶裝，我只接受到同阿嬌一模一樣。（肉麻？）唔鍾意，咁出街好難搞。（男友有冇要求過？）情侶飾物就有，好似配件、銀包。（依家用緊？）好耐世紀啦。」

阿Sa換上另一套運動裝，戴上手套，扮作拳擊，盡展活潑一面。

鄭中基被傳在右臂上紋有阿Sa洋名的「愛的紋身」。（資料圖片）

講爛gag自嘲無聊

難得阿Sa開金口，記者即追問傳聞多年前Ronald將阿Sa英文名「Charlene」紋在手臂上的「愛的紋身」？阿Sa聞言又尷尬又嬌羞，手足無措的她竟Ronald上身搞爛gag說：「我冇紋身，我淨係得雲吞。」說罷即忍不住自嘲：「好無聊呀我！」問男友紋女友名係咪好冧？阿Sa大叫：「陷阱！救命呀！我唔知咁多嘢，我冇紋身。（紋名好浪漫？）我唔係咁想公開研討呢個問題。」

信阿嬌非「茅女」

此外，對於有報道指阿嬌才是茅山師傅歐陽國富的契女，阿Sa代澄清：「呢件事好嚴重，大家唔好用娛樂心態看待，聽吓正常人講嘢，正常人都話冇。（信阿嬌？）冇聽佢提過。」

文：音樂組