胡定欣、黃日華（華哥）、苗僑偉、梁烈唯日前為無綫新劇《刑警》拍攝外景，其中胡定欣首次與性格火爆的黃日華合作，但她大讚華哥是個好前輩，對她照顧有加，感覺似一個「好爸爸」。
胡定欣表示：「佢從來都冇鬧過我哋班後輩。（華哥拍呢套劇係咪好辛苦？）十場戲之中有九場戲都有佢份，知道佢最唔慣係『飛紙仔』。（同華哥合作有冇壓力？）開頭唔熟佢，真係有啲壓力，不過同佢熟咗之後覺得佢好好玩，佢好有Daddy感覺，對我哋好照顧。」
而華哥自言為拍今次套劇，不惜推掉多個內地登台騷，令他損失最少六位數酬勞，他說：「冇後悔接拍今次套劇，可能會得多過失，因為今次都係重頭劇，對自己演出絕對有信心。（同新一輩演員合作成點？）好開心，佢哋好多嘢一講就明，我哋從來冇隔膜。」