國際殿堂級品牌卡地亞，前晚在深圳萬象城精品店揭幕，品牌遠東區行政總裁陸慧全、中國區行政總裁簡雅汶出席，還邀請張震、林熙蕾齊來剪綵。品牌為隆重其事，專程由法國空運了價值超過二億元的珠寶到深圳，邀請名模姚予晴（Mikki）、Ana R.等模特兒來示範。張震與林熙蕾異口同聲表示鍾意卡地亞，林熙蕾還表示擁有不少品牌的Trinity系列首飾。張震手上也戴着Trinity，他說：「呢啲款，有一陣子很流行，很多男仔都送它給女朋友。還有我很喜歡這鏤空設計的手錶，爸爸有一隻，我印象好深刻，因為它有一顆很特別的藍寶石作錶冠。」

儲錢買首飾保值

Mikki與型男張震同場，她自認仰慕已久，Mikki笑言身旁有不少朋友指男友Sunny似張震，她說：「我自己都覺得有啲似，不過我太大想頭，我覺得佢好靚仔、好有型，而且皮膚好靚。我覺得皮膚靚嘅人會有內涵。」

Mikki不只一次見到張震，問她有否與張震傾偈，她說：「無，但行騷時，不時偷望佢，佢係圈中其中一位令我傾心嘅男星，不過我唔會亂諗，我只係以欣賞嘅角度望佢。」Mikki又表示張震如果再高啲，又做模特兒，必定是國際首席男模，因外形太煞食。」Mikki又大讚卡地亞的首飾，既靚還可保值，她說：「無論如何，我都想擁有一件佢哋嘅首飾，所以要努力儲錢。」

Ana R.（左）及姚予晴（中）同為卡地亞示範首飾。

林熙蕾（左二）、卡地亞遠東區行政總裁陸慧全（左三）及張震（右二）同為精品店剪綵。

文：名人組