王力宏（LeeHom）於英皇電影《大兵小將》演一名將軍，與成龍不乏埋身肉搏場面，不過對沒有武術根柢的他來說，絕對是個大挑戰，為配合角色，LeeHom於拍攝前特別健身，更不停進食高蛋白質食物，務求有足夠力氣應付連場動作戲份。
耍冧認錯
成龍得悉LeeHom乃武術初哥，亦抽空當他私人教練，不過正所謂刀劍無眼，有次LeeHom與成龍對打時，真的刺傷了對方，成龍手臂即時血流如注，LeeHom見狀即不斷耍冧，還一臉歉意，相反身經百戰的成龍反過來安慰他，更謂：「拍戲受傷就好似家常便飯咁，希望你唔好因為咁而有陰影，影響到之後嘅拍攝進度啦！」
卸下形象
獲成龍心理輔導一輪過後，LeeHom才放下心理障礙繼續投入角色，獲成龍大讚專業，更謂：「佢可以放低咁多年建立嘅歌手形象，完全投入一個有血有肉嘅角色，唔介意污糟樣見人，又要被人五花大綁，又畀『新七小福』成員徐冬梅強吻，唔好以為佢好享受，其實拍嗰時咁多人望住，感覺一啲都唔好囉！」
文：影視組