姚佳雯：「幾個月前見過佢哋一齊，對方仲畀我感覺好有風度，順路車埋我出去，如果真係都會恭喜佢哋。（年紀相差好遠？）冇乜問題，開心就得，年紀唔係問題、身高唔係距離。（羨慕人哋？）唔會，我有男友。」

筱靖：「睇好佢哋，如果結婚會恭喜佢哋，同男方見過面、食過飯，知道佢哋好sweet，仲以老公、老婆相稱，小曼男友對佢好好，成日接返工、放工，男方畀我感覺好nice，公司都好多人見過佢哋，都好公開。（男方有冇家室？）佢話梗係冇，佢話我哋ＯＫ。」

張家瑩：「未見過男方，不過知道小曼好開心。（睇唔睇好佢哋？）好難講，緣分好難講，好多年紀相差遠嘅例子，都發展得好好，其實年紀唔係一個問題，最緊要開心。」