自言死過翻生的羅君左，截肢保命後繼續積極生活，更忽發奇想，想為「死去」的右腳舉行追悼會。他說：「我自己懷念可以嘞，況且我遲啲都有『新朋友』（指義肢）啦。」
一向脾性溫馴的君左承認手術後禁不住發脾氣：「真係好痛！我又唔敢大叫，驚擾騷到其他人，足足痛咗十日先OK。其實我都有後悔發脾氣，好似朋友話我亂食嘢搞到傷口難合埋，我就乜都唔食，結果幾乎得厭食症。」自言經濟尚算可以的他，刻下接受復康生活療程，學習如何照顧自己。
君左十分感激無綫，在不減薪情況下與他續約兩年，更獲醫療器材公司贊助，為他度身訂造電動輪椅，但他說：「不過我唔會靠輪椅，日後會自己再企起身，重新過生活。」
