環球慶祝Kay新碟成績好，特別為Kay在渡輪上舉行祝捷會，與逾百歌迷夜遊維港。Kay表示渡海小輪是見證香港歷史變遷，就如歌迷見證她的音樂成長歷程。提到有歌迷抨擊叱咤獎項偏幫環球？Kay表示沒有看有關報道，但覺得公司歌手獲獎很開心，歌手付出努力而獲得肯定。

但講到外間質疑為何容祖兒只獲女歌手一個獎項？Kay坦言：「明白，但自己真係唔知，自己亦冇數其他公司有幾多個獎！（環球有十二個獎，英皇只得四個？）咁陳奕迅、Mr.、張敬軒都係實至名歸嘅，自己隻碟都做得好。」

得到認同就開心

有指因環球高層黃劍濤與商台高層是夫妻關係，關係密切而偏私？Kay謂：「好難咁講嘅！我唔識答，歌手責任係做好音樂，歌得到認同就開心，其他幕後嘢冇諗咁多。」

舉行祝捷會是否以銷量來證實力？Kay則言：「祝捷會同頒獎禮無關，呢個係為fans而舉行，又唔算好豪華。（臨時籌備？）唔係，安排咗好耐，但就真係幾日前先通知到fans，自己開頭都怕只得小貓三四隻呢！」

文：音樂組