今日是大除夕，傅穎（Theresa）展望新一年有個好開始，今年樂壇成績「捧蛋」的她，期望明年以跳舞歌手形象出擊，頭炮是明年中推出唱片及寫真集。

談到新年願望，她說：「非常之想遠離是非，之前搞到好唔開心，其實師傅之前話我09年係比較衰嘅一年，佢話係因為我廿四歲到廿五歲轉運，過咗就會走晒啲衰氣，嗰時仲未知有幾大鑊，原來都幾大鑊，是非冇停過。」

否認追擊死敵

目前正籌備唱片的Theresa，透露當中附送寫真集，她更揚言不介意性感上陣，談到性感底線，她笑說：「最盡都係三點式囉，我諗睇到時個感覺，依家未定拍攝地點，總之有惟美感覺，性感啲都冇所謂。」問她出書是否要追擊Stephy？她聽到即笑說：「唔係，係良性競爭，唔想話同邊個撼，唔想有比較，希望做好自己。」

早前Theresa到台灣會見當地製作人，她自爆向司機請教講台語「我鍾意你」，令人聯想是否講給緋聞男友敖犬聽？她說：「絕對唔係，同佢係朋友，我係想同fans講。（想唔想拍拖？）我想要真桃花好過傳假桃花，拍拖順其自然。」

文：專案組

攝：鄭家俊

場地：新世紀廣場