一年之計在於春，不過「舞」得之人徐子珊、胡定欣未等到春天，已為2010年事業作好準備，即將過去的09年，二人處於耕耘期，當中子珊專注樂壇及電影發展，而定欣就劇接劇，踏入2010年，前者希望開拓內地市場，定欣則想踩入樂壇。
在09年殺入樂壇，推出首張新碟的子珊，對於過去一年發展感到滿意，展望新一年繼續歌影視三線平均發展，她說：「去年嘅任務係出碟，而2010年可能會出第二張碟；新一年上半年會花多啲時間拍劇，因為過去一年只拍一套劇，好彩嚟緊農曆新年有兩套電影《錦衣衛》同《72家租客》上畫，希望能夠打入內地巿場，所以09年工作都係為今年鋪路，希望2010年係收成期。」至於會否希望在新一年感情上有着落？她表示不心急，揚言家姐已婚更有小朋友，所以父母沒有催她拍拖。
奸得徹底
而定欣就表示09年是多產的一年，她有五套劇《巴不得爸爸》、《巾幗梟雄》、《大冬瓜》、《古靈精探B》、《王老虎搶親》出街，而2010年亦同樣有多套重頭劇擔演，當中包括《刑警》及《巾幗梟雄之義海豪情》，定欣說：「08年《舞動奇跡》係我事業上第一個轉捩點，而2010年我希望係事業第二個轉捩點，因為今年喺《巾》劇會演大奸角，同鄧萃雯有好多對手戲，雖然以往都演過奸角同妖精，不過今次奸得好徹底，係一個好大挑戰。」而問到定欣2010年的心願？她自言是新秀出身，故希望新一年可以有機會唱歌出碟，做個兩棲藝人。
防止醉駕
另外，徐子珊昨日現身奧海城出席《美麗高解像》之「舞動迎2010」活動，對於有指劇情影射汪明荃因舊情人何守信與戚美珍傳緋聞，在當年合演《大都會》一劇時而假戲真做摑了戚美珍一巴；對此，她表示：「唔知係唔係，但監製話係有真假！」其後她到電台宣傳防止醉駕，自爆有不少藝人朋友喜歡酒後駕駛：「邊個就唔好開名喇，我成日都叫佢哋酒後咪揸車，有時仲會車埋佢哋返屋企！」子珊又言記者經常拍得藝人開派對或慶功，令喝了酒的藝人不敢駕車，故有阻嚇作用。
文：影視組