麥浚龍（Juno）昨日出席銅鑼灣活動，全身Mastermind潮爆品牌打扮，不過闊身軍褲竟「中門大開」未拉褲鏈，令Juno尷尬當場，急急轉身拉褲鏈。
Juno、官恩娜（Ella）、鍾舒漫（Sherman）、狄易達和HotCha昨日出席「紅白潮唱勁舞『型』2010」活動，一向被視為「潮人」的Juno，由眼鏡到衫褲鞋襪都是日本潮牌Mastermind，原本型爆的Juno與一眾歌手在台上影相，未料竟忘記拉褲鏈。
Juno發現被台下記者不斷狂影心知不妙，即低頭一望，才知中門大開，一臉尷尬下，即趁嘉賓進行拉紙炮儀式，急急行到後面轉身拉回褲鏈。
有着孖煙囱
Juno事後坦言：「我都覺得奇怪，點解係咁影我，成日都唔記得拉褲鏈！（着扣鈕款式？）就係好多褲都係扣鈕，以為扣咗囉！（你有冇打底㗎？）我有着孖煙囱，係黑色添，唔好見到黑麻麻以為我冇着呀。」
提到無綫與HKRIA的版稅風波，可有助他在頒獎禮多添獎項？Juno說：「應該唔會嘞，因為無綫同港台我都唔會出席，我要去日本做嘢。」
Ella學吸毒
至於Ella表示即將踏入2010年，但她很懷念09年，因有很多好回憶，希望新一年好事陸續來，而近日正為新片揣摩「弗得妹」角色，問她可會請教身邊有吸毒經驗的人？Ella謂：「身邊冇呢啲人！張曼玉一套西片演過吸毒角色，會向佢取經。」而Sherman透露今日除夕會趕三檔倒數活動，之後會返家休息，未打算再約人慶祝。
文：音樂組