昨日是梅艷芳逝世六周年，歌迷一早準備鮮花、祭品到達省善真堂致祭，梅姐生前的好友羅君左早前雖然接受截肢手術，昨日亦以輪椅代步，向醫院請假並帶同鮮花前往拜祭。
羅君左說：「世事變化好大，一年之間同以前好唔同，覺得自己好唔完整。」他感激梅姐歌迷在他住院期間不時探望，談到梅姐，他坦言仍然很捨不得：「雖然已經六年，但好似係尋日嘅事。（幾時出院？）係一個謎，但一定出到院。」其後，梅姐哥哥梅啟明亦有帶同鮮花、水果、祭品等到場拜祭。
前晚，為紀念梅姐的Mui Music Show慈善夜於會展舉行，嘉賓倫永亮亦有分享梅姐的生前點滴：「佢錄音好謹慎，有時錄歌錄到佢i晒頭，但佢唔使半個鐘就投入到。」另外，阿梅的愛徒何韻詩因身在內地舉行舞台劇，不忘在Blog內貼上一張「星星」相片悼念師傅，並寫下「你那邊的星星美麗嗎？祝安好。」
