鄭伊健前晚在紅館舉行《鄭伊健友情歲月09演唱會》尾場，獲女友蒙嘉慧、林海峰及彭羚、蔡一傑、李克勤等到場支持。伊健在獻唱《感激我遇見》期間，感動流下男兒淚。而原本「躲」在人群中的蒙嘉慧亦愈睇愈興奮，後來更走到台前繼續睇騷。

由於歌迷在完場後不停大叫「安哥」，故伊健與親密戰友林珊珊再度上台，珊珊大讚伊健有赤子情懷，令他再度感動落淚。最搞笑是第三次安哥時，伊健喊住由升降台升上來說：「真係好多謝，下次見啦！」大會播出完場廣播兼開燈，但歌迷仍不肯離開，伊健最終第四度上台獻唱。

蒙嘉慧愈睇愈興奮，後來更走到台前睇騷。

放大圖片

有意開Part 2

在慶功宴上，伊健坦言有意為演唱會開Part 2：「不過紅館最快要明年六月先有期。（唔多謝蒙嘉慧？）今次個主題係講友情。（對佢唱情歌？）我對住四面都有唱。」他曾在台上表示十多年要換的已經換晒，問他是否「揀定」蒙嘉慧？伊健即扮傻說：「總之好好，有啲嘢唔使講。」

至於四大唱片公司與無綫的糾紛升級，身為Sony Music旗下歌手的伊健，表示希望香港娛樂圈能夠團結一致。

文：音樂組