穿梭歌影視的江若琳（Elanne）昨日舉行簽唱會，吸引過百歌迷到場支持，勁歌熱舞震撼舞台，幾乎站不穩腳，但由於太投入演出故不知危險，而師弟組合Square送上按摩器為她打氣。
Elanne昨日為新碟《Show You》舉行簽唱會，與歌迷大玩遊戲外，又出力與dancer以舞震動舞台，期間舞台更一度搖晃不定，站立不穩的Elanne，更因此不小心用咪高峰向身旁dancer「當頭棒喝」，她說：「係感覺到郁，不過嗰刻只係顧專心跳舞，都冇諗到驚唔驚。」
新碟大賣
Elanne將於一月舉行處女個唱，而新碟大賣6萬張全面斷市，正在趕緊加印中，而師弟組合Square現身送上按摩器，為師姐消除地獄特訓的疲勞，Gary（趙俊承）乘機索抱，合照時James（何尚謙）更將按摩器放在Elanne臀部位置，問到Elanne是否被對方乘機抽水？她笑言：「唔會啦，佢哋對我冇感覺，好多謝佢哋，但如果係電動會開心啲！」
入行三年的Elanne前晚於《勁歌金曲優秀選第三回》中，首次憑《Show You》打入十四首金曲之一，Elanne大為感動，再次表示入選與TVB及HKRIA因歌曲播放版稅鬧不快，導致有部分歌手未能出席無關，至於會否增加於總選奪獎可能？她說：「唔敢諗，睇個天，唔會強求，都係平常心面對，今年歌影視都有成績已經好開心。」
珍惜成果
Elanne又透露早前到內地拍攝的劇集《男兒本色》正於全國播放，而且成績優異，令她又驚又喜，從出道至今，曾被負面新聞纏身的她，被問到是否經歷大起大跌，她就言：「有呢啲過程開心啲，自己用努力去證明，成功感大好多，唔經過辛苦就唔識珍惜。」
文：音樂組