楊怡昨日穿性感服現身銅鑼灣鬧市，途經早前鏹水事件發生地點時，隨即機警以宣傳單張遮頭，而為內衣品牌宣傳的她，透露曾獲好友馬浚偉送贈，大讚對方眼光獨到，尺碼非常合身，不過卻不能接受男友送貼身物品。
楊怡昨日聯同兩位女模Liz及Bambi出席內衣品牌活動，吸引過百人圍觀，雖然伊人穿透視裝上陣，但相對於上身只穿胸圍的兩位女模來說，似乎卻有點遜色，自言身材不算標青，不過對於內衣款式卻相當講究，她謂：「細個就媽咪陪去買，所以款式普通啲，但依家就會揀啲顏色多啲，露少少喱士邊都幾潮流㗎！不過Bra對女仔嚟講好緊要，着錯咗就會遺憾一世。」
尺碼啱啱好
問到有否收過男友送贈的內衣，楊怡表示沒有，但就哈哈大笑指有收過馬浚偉的內衣手信，更笑謂：「有次佢去美國，我叫佢買內衣當手信畀我，我只係同佢講中Size，結果佢就買咗成大袋返嚟畀我，當中仲有豹紋款式，都好合身，（咁佢都好細心觀察你喎！）係呀！」楊怡更認為若男友陪伴挑內衣，會感覺很甜蜜。
用紙擋鏹水
及後楊怡於工作人員保護下「遊街」派發宣傳單張，期間邊行邊喊「買Bra啦」，場面惹笑，當楊怡路經早前發生淋鏹水事件地點時，即醒目地以單張遮頭，問到於該處出席活動，會否擔心鏹水狂徒再度出招，楊怡謂：「唔太驚，有關部門應該會睇得好緊，同埋平時行街都會行有瓦遮頭嘅地方囉！」
文：影視組