昨天古仔以一身「白馬王子」look，出席於尖沙咀K11購物藝術館開設的日本美容品牌yamano美容專門店開幕禮，並跟由日本遠道而來、yamano第三代傳人山野幹夫，以及品牌香港獨家代理TLC Group創辦人羅麗莎（Losa）擔任剪綵嘉賓。現場星光熠熠，名模陳嘉容、趙式芝、楊如芯、張學潤、朱潔儀、時裝設計師何國鉦等均出席。

古仔的魅力確是非凡，甫到場即引來現場守候已久的fans歡呼外，不少來賓尤其是女士們，均上前合照，古仔照單全收，有求必應。當古仔被大會安排跟07年亞姐冠軍張家瑩及08年亞姐冠軍姚佳雯合照時，面對兩位冠軍均冒寒谷胸性感上陣，古仔全程目不斜視，更友善的打招呼。

朱潔儀以價值萬餘元Phillip Lim盛裝撐場。	張學潤為大會擔任司儀。	古天樂有求必應，親民地替fans簽名。

唔講賺幾多

對於有指古仔今年收入達一億元，問到會否怕被稅局追稅時，古仔說：「報稅會做足，唔回應太多。（係咪事實？）要做嘅做咗（交稅），幾多錢（收入）唔會回應。」古仔續說今年冇買車，但承認有再置業的念頭。「有睇樓，但未正式成交，好多地方都有睇，（多人問你投資心得？）冇乜，我覺得應使則使。」

自爆年齡41

古仔透露將會跟吳君如合作拍由陳可辛監製、谷德昭導演的賀歲古裝笑片，對於王晶翻拍周星馳舊作、有意邀請他拍《一品芝麻官》，他說有傾過，要看怎配合。至於怎過聖誕，古仔說：「有機會工作中度過，因成日要返大陸做嘢，有時瞓醒都唔知自己喺邊，如果聖誕有空檔都會返家休息，希望爭取到一日假期。」

另外，Losa表示每星期都做facial及令肌膚緊緻的護膚療程，更大方自爆年齡：「我今年41歲，好多人話我keep得好，以為我好後生。」

文：名人組