Lynn為冧城城出盡絕招，就連往台灣工作，亦特地打包麻辣火鍋湯底回港辣㷫城城。日前Lynn就孖住經理人現身中環，為城城選購聖誕禮物。素顏上陣的她急急腳步入ifc的名錶店「de GRISOGONO」，更一臉細心於櫥窗前挑選男裝鑽石錶。

見記者扁嘴

Lynn揀錶時托下巴又咬手指，足足揀了約十分鐘才着店員拿了數隻名錶給她過目。Lynn其後還坐於一旁，落足眼力細閱每隻名錶。不過當她發現有記者在場時，即一臉驚訝，最後連錶也不揀便匆匆與經理人離去，步出門口時更無奈扁嘴。

Lynn除了費盡心思揀選聖誕禮物予城城外，較早前她亦獨自到中環為自己置裝，戴上黑超的她於當日更大出血，買下不少新裝及靚鞋。

熊黛林獨自掃貨，在十分鐘內扑錘買靚鞋。	Lynn跟經理人行街買聖誕禮物，更細心揀選名錶贈城。	Lynn發現記者時一臉無奈，跟身旁的經理人急步離去。

拒再送湯底

事後本報聯絡上Lynn，提及買鑽錶贈城城作聖誕禮物一事，她甜絲絲表示：「咩呀。我幫阿哥攞隻錶去整之嘛。（買咗咩聖誕禮物畀城城？）未知買咩畀佢呀，我都未有時間睇，（咁城城鍾意咩你一定心中有數？）係人都知佢鍾意車啦，不過我買唔起，（買湯底？）邊有人送湯底做聖誕禮物㗎。」

文、攝：追蹤組