唱作歌手吳彤的師妹蔡玟軒（Kylie），過去曾參加多個音樂劇演出，Kylie為參加「第二十一屆CASH流行曲創作大賽」和出席《超級巨聲》，日前到銅鑼灣挑選兩套戰衣。問她會否感到壓力？Kylie說：「會呀，我會唱參賽者作品《情迷金巴利》，因為係唱人哋嘅作品，會有啲緊張。（角逐明年新人獎項？）應該會，希望明年可以出碟啦。」
擁有一把靚聲的Kylie，亦大方公開護聲心得：「我有好勁嘅鼻敏感，同埋氣管唔係咁好，所以唔飲太多甜嘢同酸嘢，平時吸收多啲維他命C，同埋至緊要飲多啲湯水。」
髮型：Patrick Chan@Rever Salon 場地：rosebullet@銅鑼灣
