前有線主播莫家淦（Keith）除了口才了得外，亦甚有歌唱天分，剛加盟新公司的他現積極接受各方面的訓練，以作將來闖樂壇之用。Keith雀躍地表示學跳舞為他帶來了不少有趣的回憶︰「我去饒珮君校長嘅跳舞學校學跳舞，佢竟然安排我喺佢哋嘅周年校慶度表現跳funky jazz！雖然只係跳得嗰兩分鐘，但對於從未正式跳過舞嘅我嚟講已經係一大挑戰。」
而Keith與師妹梁詩雅（Bebe）日前以嘉賓身份，出席印度設計師Kanchan Panjabi與運動飲料Glaceau Vitamin Water合辦的時裝展覽，Bebe為了配合充滿印度色彩的服裝，還特意花了三小時set一個鳥巢頭！
