呂慧儀角色烏歪演得舒服

最近頻頻參與電影拍攝的呂慧儀，在新片《惡胎》中扮演大肚婆，因意外流產，死胎竟成惡鬼鬧出連番鬼話。由於是扮大肚婆，故開工時只是淡掃蛾眉，呂慧儀說：「靚唔靚嘅角色都冇所謂，最緊要係配合劇情，唔介意烏歪嘅角色，唔使化妝仲好，開工仲舒服。」

講到拍攝《惡胎》呂慧儀最難忘是要連嘔十幾次，她說：「初時係假嘔，但見到嘔吐物好核突，後來變咗真嘔。」片中與「小鬼」有多場對手戲，問到呂慧儀與小朋友可相處得來？她說：「冇問題呀，我好識氹小朋友o架，佢哋都好鍾意同我一齊玩。」

場地：Cadero（海港城）