去年林子萱做了卵巢腫瘤手術後絕迹所有公開場合，不過日前她神秘現身尖沙咀某商場。身穿跌膊衫、戴帽兼口罩遮面的她跟TB緋聞助手走入一間香皂店，她無懼走光人前，頻頻烏低身左揀右揀，戴了口罩的她更拿起香皂放近鼻子勁索，約數分鐘後買了多塊香皂便離開。

心大心細

之後途經某內衣店，林子萱即衝入店內，一支箭走到男裝內褲部，一手拿起條孖煙囱向店員發問，繼而再拿起另一條三角內褲不停研究，心大心細的她又再手執孖煙囱放到下身看效果。考慮了約十五分鐘，她最終以信用卡付款買下兩條黑灰色的大碼孖煙囱，之後便急急腳離開。奇怪的是，她離開內衣店後即除掉口罩，難道是怕被人認出買男裝內褲？

手執大碼男裝孖煙囱的林子萱不時向店員查詢款式。	林子萱走入內衣店喪揀男裝「內膽」。	林子萱離開商場後即第一時間脫掉口罩。

自稱不適

事後記者致電林子萱，她對於被拍得買男裝內褲大表愕然。問到是否買給谷德昭？她既不否認亦不承認地說：「總之就送畀一位好親密嘅男性朋友啦！（聖誕禮物？）係呀！」再問她為何要戴口罩鬼祟買內褲？林子萱解釋：「嗰日我其實有啲唔舒服，但商場好焗，出到街咪除咗個口罩囉！」

文：音樂組