今年終能推出新碟的唐素琪，雖然已出道三年，但她表示跟側田合唱一首《星火》後突然開竅，Chelsea說：「其實過往一直都唔滿意自己表現，不過今年同側田合唱過之後，好似突然叮一聲咁，個感覺唔同晒，因為之前我自己一個唱，次次上台都覺得好驚，唔夠放，合唱始終有個人傍住，點都淡定啲，而且側田成日同我講，唔好咁緊張，have fun，所以relax咗之後，成個人都好似改變咗咁，我覺得係一個好大嘅進步。」Chelsea更透露平日在家中經常對鏡練習唱歌，希望唱功及台風能有所改進。

Chelsea與側田合唱過後大有進步。（資料圖片）	唐素琪憧憬是韓劇的女主角。	Chelsea希望能參與電台主持的工作。

恨做主持

除了在歌唱方面，Chelsea還對電台主持及拍劇充滿興趣，她說：「我真係好鍾意做電台，之前試過做嘉賓主持，可以無拘無束咁講嘢，又唔使畀人見到個樣，可以好relax同好自然盡情咁講。同埋我都想試吓拍韓式愛情故事，因為我次次睇啲韓劇都好感動，好想嘗試做當中嘅女主角。」

文、攝：專案組 　場地及服裝：JFT