日前記者便發現Zoey與該名「六呎潘瑋柏」現身中環ifc，二人走入一間專賣野性、性感服飾的外國品牌Arrogant Cat買衫，Zoey甫入店內即脫去皮褸，穿剩低胸吊帶背心化身「芭比」，讓男方任意為她裝身，而「六呎潘瑋柏」更伸出Magic手協助伊人「拉溝」，在其胸前把Tube-Top拉下，即時為她拉出C Cup身材，Zoey即時要求為自己拍下「偉大」一刻。

「六呎潘瑋柏」出Magic手協助伊人「拉溝」，為她拉出C Cup身材。

Zoey要求「六呎潘瑋柏」為自己留倩影。

專攻高踭鞋

Zoey還試了全店最性感的衣裳，除了各式各樣的Top外，還有一件大露背裝，而擁有五呎六吋身高的Zoey為襯得起「六呎潘瑋柏」，又專攻三吋以上高踭鞋，換鞋時，Zoey不經意俯身向下，險些走光。Shopping完後，兩人再到附近餐廳醫肚，全程費用全由男方支付，認真唔話得。

此外，Zoey昨日以一身聖誕女郎打扮與黎耀祥出席聖誕開幕活動，祥仔笑言要買她做聖誕禮物送給兒子，既可以同兒子玩，又可以當工人咁用，十分搞笑。Zoey直言與祥仔一家早已認識，問到會否相約陶喆過聖誕節？她沒好氣說：「佢開演唱會，如果佢嚟香港開會買飛睇。我哋有保持聯絡，但唔係男友，係大哥哥同小妹妹關係，我真係唔想講，唔知佢鍾唔鍾意我成日提住佢，唔想佢誤會，只想專注工作。」

文：專案組