Greg被阿倫褒為「黃曉明＋金城武＋譚詠麟智勇雙全」混合體，又有契媽翁倩玉撐腰，雖然背後有兩座大靠山，但他沒有視為踏腳石，在台灣捱了足足四年，曾與楊丞琳、何潤東、翁倩玉等合作拍台劇，儲足彈藥才於今年初回流香港，加入影圈大展拳腳，先後接拍《美麗密令》、《財神到》、《陳真》、《談戀愛》等電影。

要被女仔追

身為藝能旗下藝人的Greg，多謝老闆之一阿倫提攜：「校長一直好賞識新人，佢係我偶像，之前同校長拍《財神到》，佢教我好多嘢，喺佢身上學到做人處事、待人接物，校長仲叫我唔准亂追女仔，要採取被動，有拍拖都話冇。（咁你依家有冇拍拖？）冇吖。」

在台灣四年期間，Greg不但累積了很多拍戲經驗，還與前輩翁倩玉上契：「我哋合作拍台劇《花之戀》，我做佢囝囝，佢好照顧我，拍完劇之後仲認咗我做契仔，又叫我畀心機學日文，好多謝契媽鼓勵，自己學識咗講日文，仲同鈴木杏拍咗一部日劇《最遙遠的牽絆》，契媽知道我返香港加入藝能都好放心，叫我畀心機。（有冇叫你唔好拍拖？）冇，只係叫我唔好學壞。」

文：音樂組