投身模特兒界六年多的馬穎敏（Liz），早前參加《美女廚房》的美少女廚神比賽而人氣急升，之前更獲邀參加電影《我要做o靚模》，戲中飾演專恰新人以穩固地位的「升呢」o靚模。片中Liz不乏性感演出，穿着內衣行Catwalk盡騷豐滿身材，她說：「拍攝時導演、工作人員都好專業，所以拍起嚟好自然，一啲都唔尷尬，最緊要係劇情需要。」
首次拍電影的Liz表示拍攝順利，但跳舞戲份卻頻頻失手，她說：「我最驚就係跳舞，因為自己唔叻，雖然事前花咗唔少時間練習，但表現都係麻麻，都NG咗好多次。」問到Liz劇情講述模特兒為上位明爭暗鬥，現實中又可是如此？她說：「又唔係，不過是非就一定有，依家大個女會選擇唔理咁多，最緊要做好自己本分就得。」