以兄弟相稱的許志安、梁漢文（Edmond）、張衞健及蘇永康下年將以「Big4」名義開騷，將兄弟情搬上舞台。雖然四男「情比金堅」，但要他們逆轉身份，以女人心態從好友中揀老公，原來卻是苦差一件，費時良久才有答案！

健仔與安仔不約而同吼住Edmond，健仔說：「安仔有型，康仔夠浪漫、懂得生活情趣，不過佢哋外形咁嘅款冇乜安全感，長遠嚟講會揀Edmond，中和啲，夠晒穩陣可靠。」

而安仔則大讚Edmond似水般柔：「現貨睇到佢係好老公，佢對老婆好溫柔，又孝順，有呢啲特質嘅人做老公差極有限。」

康仔為朋友

排第三揀老公的Edmond知道康仔尚未得票時笑騎騎，不過不出一秒便表白心迹：「我揀康仔，雖然佢樣唔吸引，但心地吸引，佢好為得人，為朋友更加係100%付出，一個人對朋友好，對太太都唔會差！」至於康仔則熱捧健仔，大讚他為人細心顧家：「佢對自己粗心大意，但處理屋企大小事好細心，簡直如魚得水。自己結過婚，知道要處理得好唔容易。」

文：專案組

攝影：司徒國榮　化妝：Maggie Lee

髮型：Billy Choi@Hair Culture（許志安）Moe@Chin.G（蘇永康/梁漢文）

場地：彌敦酒店