郭富城昨日親口證實老闆有意邀請前緋聞女友藤原紀香合作拍攝《風雲III》，兩人有機會再續片緣，城城表示：「老闆話會搵韓國、日本、大陸最紅嘅女星加入，韓國方面未諗到搵邊個，日本嘅我哋想加入藤原紀香，老闆亦想撮合我們十年後再拍一次，我覺得好好，好開心，畢竟大家都係朋友，希望藤原紀香加入劇組時，又可以擦出新嘅火花！」
而導演彭氏兄弟的彭順和彭發昨日出席《風雲II》4K數碼放映活動時，被問到紀香參演《風雲III》時，彭順說：「有聽到咁嘅消息，自己主要希望同多啲亞洲演員合作，（城城同紀香合作？）兩個都有好條件，（搵埋熊黛林三人合作？）可能㗎，如果佢哋OK！」
另外，城嫂熊黛林（Lynn）前晚出席公司的聖誕派對時，就自爆聖誕有假放，被問到會否與城城再打邊爐時，她表示未知，並謂仍在構思買甚麼禮物給城城。對於城城與小美合作開公司培訓新人，Lynn自言已非新人，續說：「同阿Kim（經理人）幾好，我諗我呢世都唔會轉，而且佢哋係搵新人，我都唔係新人。」對於被城城讚是人才，她隔空多謝，並回敬：「佢係跳舞天才！」
