由許志安、蘇永康、張衞健、梁漢文組成的Big 4，昨日出席無綫《歡樂滿東華2009》拜神活動，四人透露會在活動上表演新歌及以食東西籌款，已有多年未為《東華》演出的張衞健表示：「起碼都有十年冇做過《東華》，對上一次表演接箭，當時仲係陳敏兒做主持。（想籌幾多錢？）今年經濟差咗，驚善款會少咗，希望多有多捐，少有少捐。」
此外，吳國敬出席有線節目錄影時，否認與Big 4不和，但直言同Big 4唔啱玩、唔啱傾，他謂：「我係Rock & Roll歌手，但Big 4係偶像派，佢哋開演唱會既要跳舞又要背稿講gag，自問應付唔到。」他又指許志安近日操fit到見骨，笑指他是「反骨仔」，又指蘇永康淨係識着衫，一見張衞健光頭就知他諗得衰嘢多，而提到梁漢文，吳國敬指他好乖仔、好純。