現年三十歲的2R組合成員Rosanne，於8月突宣布與相識八年的混血兒牙醫結婚後，一直留在家鄉新加坡籌備婚禮，作風突變得低調的她，連月來對婚期三緘其口，除在10月中，在其網誌上，上載在新加坡教堂和一級方程式世界冠軍咸姆頓合照外，最後一次在港露面，就是10月尾和妹妹Race（黃婉佩）齊拍攝兒童語言教育節目。據知Rosanne的大喜日子是本月28日，屆時她將在教堂行禮，但圈中出席的朋友不多，暫時只知許冠傑大仔許懷欣會攜妻到賀。

Race例牌作否認

又據悉Rosanne正猶豫結婚還是再在娛樂圈「搏殺」之餘，其經營飲食生意的父親，曾勸愛女「疊埋心水」息影嫁人，皆因黃父覺得Rosanne和Race來港發展多年，演藝事業仍發展平平，亦是時候轉變人生目標，況且Rosanne的孻妹有意自立門戶向外闖，不願再管理家族生意，故此黃父希望身為大家姐的Rosanne能接手，長時間留在新加坡從商。

記者曾嘗試聯絡Rosanne，可惜其手機轉駁至留言信箱。Race接受電話訪問時，例牌否認家姐28日出嫁：「邊個放呢個消息，一定唔係，（傳Rosanne接手屋企生意？）我哋唔會講屋企啲嘢畀人知，家姐老公會喺香港做嘢，家姐會香港、新加坡兩邊走。」Race透露Rosanne的嫁衣已籌備得差不多，明年Rosanne再在香港搞婚宴。據知Race跟家人近日忙搬屋事宜，故聖誕節時會返新加坡。

許懷谷周六行禮

另外，許懷谷於周六（12日）和女友Ida假遊艇會舉行婚禮，行事向來低調的許家，選擇在私人會所搞喜事，全因貪場地私隱度高。據有份出席婚宴的來賓透露，當日是西式婚禮，懷谷行禮後，就和來賓食自助餐，懷欣及懷谷將唱歌、跳舞娛賓，儀式由早上十時開始至下午四時完結，晚上沒有擺酒設宴。

採訪：音樂組