名人鄧永鏘、Rosemary和黃佩霞昨日出席由毅聯匯業舉行的慈善日，協助交易員接聽電話進行交易，為香港癌症基金會及兒童發展基金等籌款。
Rosemary表示首次參加這類慈善活動，覺得很有意義，問到平日有沒有投資經驗時，她說：「當然有啦！（賺定蝕？）有賺亦有蝕，（蝕幾多？）唔方便透露，我都係金融海嘯之後先買。」有報道指前男友Christopher和另一模特兒撻着，Rosemary說：「係啦！好耐之前已經知我哋唔會一齊。（依家想唔想拍拖？）我想focus喺自己嘅事業上面。（媽咪有冇意見？）媽咪想法變咗，佢以前怕我拍拖阻礙事業，不過依家反而想我快啲搵個老公，不過我唔想佢push我，我好多同齡親戚都已經結晒婚，我係最遲嗰個，（想唔想結婚？）太多責任喇，take care自己先啦！」
同場的黃佩霞表示聖誕節會暫停教瑜伽陪伴家人，她說：「細路仔大得好快，我想用多啲時間陪佢哋。」