羽翹昨日素顏到新城接受訪問，宣傳其親自填詞的新歌《吸血新世紀》。日前她到盛傳猛鬼的屯門海水化淡廠拍攝MV，但估計可能因沒有拜神關係，拍畢後她和助手都生病及身上出現不明爛肉，令她們大呼好驚、好邪。
羽翹展示手㬹上又紅又痕的紅印，她說：「嗰度氣氛已經好詭異，我仲要扮鬼，戴上紅色隱形眼鏡對住塊鏡做戲，啲工作人員又成日嚇我，搞到我好驚，我好怕睇到鏡入面有嘢，拍完後，我同助手都病咗同生『嘢』。」不過羽翹補充因現場已荒廢，塵埃滿布，可能她們觸及不潔物件才敏感，她又笑說：「真係遇到污糟嘢。」
問羽翹可曾遇上靈異事件？她表示自己天生有陰陽眼，小時經常看見床邊及牆角有「陌生人」，由於她每次看見異象後就生病發燒，其父母覺得事有蹊蹺，搵法師求助才知愛女撞邪，要施法幫她封陰陽眼。