黎耀祥、鄧萃雯於台慶奪得「視帝」、「視后」後傳出緋聞，祥仔接受查小欣電台節目訪問時，更笑言廿多年來未傳過緋聞，坦言開心，他說：「無所謂啦！廿年來都冇人注意，突然攞嚟炒作，係因為之前冇人理，我同雯女都唔會避忌，嚟緊都好多合作。」
至於雯女坦言就算見到黎太都不會感到尷尬，更不諱言黎太指她與祥仔襯到不得了，她笑言：「我未見過啲咁開放嘅太太，佢老婆好鍾意我哋一齊做嘢，知我同佢老公合作有化學作用，好難得有咁明白事理嘅太太，自己都想搵個咁明白事理嘅老公。」
記者亦致電給祥仔，他表示12日會跟雯女一起到澳門做剪綵活動，問他酬勞是否升了，他開心的謂：「貴少少啦！以前我咁多嘢做，因為我價錢太平，依家要收貴啲。」此外，《萬千星輝頒獎典禮2009》平均收視達40點，最高收視43點，廣管局方面表示收到《富貴門》四個投訴，指有亂倫意識及太多抽煙場面，而《巴不得爸爸》則收到三個投訴，指教壞細路。